..SA
NAKARAAN
Magkabila ang ginagalawan nating mundo.
Ni-hindi tayo magtagpo kahit sa boundary lang. May instances naman na
magkatalikuran na tayo hindi pa natin alam. Nakangiti ka habang ako naghahanap.
Eh ano nga ba ‘yung hinahanap ko? Hindi din ako aware kung ano ba talaga kaya
ayun umalis na lang ako. Hindi ako lumingon sa kinalalagyan mo pero alam ko
nakangiti ka pa rin. Ang sarap siguro sa feeling kung ang ngiti mong ‘yun ay
para sakin. Wala lang naisip ko lang, kahit hindi kita kilala at hindi mo din
ako kilala.
Hindi ko alam kung ‘san patungo ‘tong
kwento ko. Ang alam ko lang ay nai-imagine ko ‘yung mukha mo kaya ako
nagsusulat. Pero hindi talaga kita kilala. Hindi talaga. Ewan ko ba. Para akong
praning kaka-type ng mga letra. Eh bawat letra naman ay parang sumisimbolo sa
pangalan mo. Pero hindi ko alam ang name mo. Hindi talaga.
Gusto kong tanungin ‘yung pangalan mo para
may rason naman ako kung bakit ako nagsusulat. Pero hindi kita makita. Kahit
san man ako tumingin ni-anino mo ay parang hangin sa akin, nararamdaman lamang
kita pero kahit kailan di ko magawang titigan. Ewan ko. Hindi naman talaga kita
kilala eh pero grabe ‘yung nararamdaman ko ngayon --- pagdating sa’yo.
Bakit ganun? Feeling ko lagi kang nakangiti
habang may kausap na iba. Sino ba ‘yun? Super special ba sa’yo? Babae ba? O
tropa mong lalaki? Nararamdaman ko kasi na parang ayaw mo siyang mawala sa’yo.
Napakaswerte naman ‘nung tao na ‘yun kung sino man siya dahil nagagawa ka
niyang pasayahin at pangitiin sa araw-araw. Siguro… girlfriend mo no? Mayroon
na? Ayyy… akala ko naman may pag-asa pakong makausap ka nang walang nagagalit.
Alam mo na…
Ang babaw nito… sobrang babaw pero ang
sarap din kasi sa pakiramdam na nagsusulat ka without the rules. Wala enjoyin
mo lang yung spontaneity ng words na lumalabas sa utak mo. Para itong
refreshment sa komplikado kong buhay… gaya mo… isa kang hangin sa gitna ng
malawak na palayan.
Pero ‘san ba kita hahanapin? Gulo.
…SA
KASALUKUYAN
Parang nakita ko na ‘yung hinahanap ko. Hindi
dahil tinitigan ko siya kundi dahil ito ‘yung naramdaman ng puso ko. Parang
sinasabi nito na “uy Jen! Ayan na siya! So proud of you! After long months of
searching finally nakita mo na!” Sabi ko naman, “uy, thank you ah! Kahit hindi
man makita ng mata ko atleast naramdaman naman ng puso ko. Buti andyan ka!” Ay
korny na pero ‘yun ang totoo. Minsan sa buhay natin hanap tayo ng hanap sa
isang tao na alam naman natin na hindi kailan man dadating habang ‘yung ibang
nagmamahal sa atin andyan lang nakatengga, hinihintay naman tayo na mapansin
sila. Gulo ng life! Buti na lang may emosyon para kung hindi man natin magamit
ang five senses, andyan pa rin siya para punan ang mga ito.
Pero sa mga hindi inaasahang pagkakataon,
binibigay ni Lord ‘yung mga bagay na makakapagpasaya sa atin ng todo. Magtiwala
ka lang sa Kanya at syempre maging matiyaga at matapang sa pagtupad ng kung ano
man ang nais mo at tiyak pagdating ng tamang panahon malalasap mo ang
pinakahihintay mong pangarap.
So ayun sinubukan ko na umalis saking
comfort zone, literally! I had just encroached upon the boundary! Pumunta ako
kung nasaan siya. Iba pala ang pakiramdamm na naglakbay ka sa buhay ng iba. Ibang-iba
‘yung mundo niya sa mundo kong ginalawan ng 24 years! Nung una hindi ko pa siya
makita, hindi ko siya maramdaman. Naku para akong nawalan ng pag-asa. Pero
narinig ko… narinig ko yung masarap niyang tawa. Bigla akong napangiti ng hindi
inaasahan. Hinanap ko kung san nanggagaling ‘yung boses. As usual may kausap ka
na naman. Nakatalikod ka sakin. Gusto kitang tawagin pero hindi kita kilala.
Hindi ko alam ang pangalan mo. Naramdaman ko na lamang na ang bilis na pala ng
tibok ng puso ko… nasa harap mo na pala ako.
…SA
HINAHARAP
Para
akong uminom ng twenty mugs of coffee sa bilis ng tibok nitong puso ko. Hay
grabe! Lahat ng inipon kong lakas sa sarili kong mundo ay naglaho pagkaharap ko
sayo. Hindi ko alam ang sasabihin ko. Tatanungin ko ba muna ang name mo? Ang
awkward lang. Tapos shake hands? Ang formal lang. Tapos beso-beso? Ayyy! Hindi.
Mali. Ano ba?
Ayun nakatayo ako dun at ‘yung pinangarap
kong ngiti dati mula sayo ay katotohanan na ngayon. Grabe. Hindi ko maarok ang
kasiyahang dulot ng pakiramdam ko ngayon! So ano na? Ano nang gagawin ko?
*krooo
*krooo
*krooo…
Nakatingin na ako sa mga mata mo ngayon.
Hindi ako nagkamali. May mararating rin pala ang pagsunod sa kung ano man ang
nararamdaman. Kailangan lang ng lakas ng loob upang harapin ito. At ngayon
nga’y hinaharap ko na, hindi naman ako makapagsalita. Hayyy! Ano ba!
*krooo
*krooo
*krooo…
*krooo
At
isa pang…
*krooo
Ay teka napansin ko lang na tayo na lang
palang dalawa ang nandito. Nasan na ‘yung mga tao? Agad-agad nawala? Ang dami
nila kanina ah! Pero never mind. Ang importante ay ang ngiti mo na direktang tumutusok
sa namumula kong mukha. Iihhh!
Naging magaan na ang aking pakiramdam nang
ikaw mismo ang nagbasag ng katahimikan. Nagkwento ka at ako ay nakatingin
lamang sayo. Para kang isang bata sa kung paano mo iakto ang facial expressions
mo. Nakakatuwa. Nakaka-inlove. Bumalik sa aking gunita ang mga panahon na ako
ay nasa aking sariling mundo, dinarama ang iyong ngiti sa aking imahinasyon at
nire-record ang bawat tawa na aking naririnig mula sayo. Gaya ngayon,
parehong-pareho ang tawang iyon sa naririnig ko habang kausap na kita. Bakit
kaya? Parang naulit ang lahat. Para bang matagal na tayong magkausap sa same
exact spot na ito. Hmmm? Pati ang mga ngiti mong kay kislap ay tila nakita ko
na rin sa nakaraan. Posible kaya?
Posible kayang makausap kita nang walang
nagagalit?
Comments
Post a Comment